Ірі жер қойнауын пайдаланылушылар тендерді ашық жүргізбейді

Ірі жер қойнауын пайдаланылушылар тендерді ашық жүргізбейді - бизнес

29 Апреля 2016 2669 Жерқойнауынпайдаланылушылар, тендер, бизнес

Алматы. 29 сәуір. Ақпараттар орталығы. Алдағы тендерлер бойынша ақпараттың жеткілікті болмауы және транпаренттілігі бойынша шағым көп түседі, деп мәлімдеді ҚР энергетика министрі Қанат Бозымбаев Батыс Қазақстан облысындағы жер қойнауын пайдаланушылармен өткен отырыста.

«Алдағы тендерлер бойынша ақпараттың жеткілікті болмауы және транпаренттілігі бойынша шағым көп түседі. Сондықтанда ҚПО, ТШО, Қашаған операторларына алдағы тендерлер бойынша әлеуетті жергілікті қатысушылар үшін ақпаратқа қолжетімділікті қамтамасыз етуге кеңес беремін», - деді Қ. Бозымбаев Батыс Қазақстан облысына жұмыс сапары барысында.

Хабарланғандай, министрлік мен Батыс Қазақстан облысы әкімдігінің, «Қарашығанақ Петролиум Оперейтинг Б.В.» (ҚПО) компаниясының өкілдері Қарашығанақ кенорының айналып ұшты, ҚПО-ның өндірістік қызметімен және кеңейту жобаларымен танысты.

Сонымен қатар, ірі жер қойнауын пайдаланушылар мен қазақстандық сервистік компаниялардың қатысуымен қазақстандық қамту мәселесі бойынша кеңес өтті. Отырыс барысында қазақстандық сервистік компаниялардың «Теңізшевройл» ЖШС (ТШО), ҚПО мен Қашаған жобаларын кеңейту жұмыстарына қатысу мәселесі талқыланды.

«Құны 35 млрд долл, 25000 жұмыс орнын ашуға мүмкіндік беретін ТШО мұнай өңдіруді арттыру, құны 6 млрд долл асатын, 6000 мыңнан аса жұмыс орнын ашуға мүмкіндік беретін ҚПО мұнай өндіруді арттыру жобаларын жүзеге асыру жоспарлануда», - делінген хабарламада.

Аталып өткендей, келелі отырыс қорытындысы бойынша ҚР энергетика министрі Қанат Бозымбаев қазақстандық мұнай сервистік компаниялармен және ірі операторлардың ұсыныстарын ескере отырып қазақстандық қамтуды дамытуға бағытталған бірқатар тапсырмаларды берді.

Атап айтқанда, министр «PSA»ЖШС-ға Қарашығанақ пен Қашағанның операторларымен бірлесіп тендерді өткізу барысына өзгертулер енгізуді және бірлескен компаниялардың ашылуына итермелейтін талаптарды қосуды тапсырды. Сондай-ақ, «PSA»ЖШС мен Қазмұнайгазға ірі жобалардың операторларымен бірлесіп ірі мұнайгаз жобаларындағы шетелдік мамандарды қазақстандық кадрлармен алмастыру бойынша нақты жоспар жасақтауды тапсырды.

«Алаш» мәліметтер базасы іске қосылды. Мен түсінемін, ол тестілік режимде жұмыс істейді және қолданыстағы жеткізушілер туралы мәліметтер базасына қосымша болып табылады. Сонмен қатар, үш ірі мұнайгаз жобасына бірыңғай базаға көшу керек», - деп мәлімдеді энергетика министрі.

Баспасөз қызметінің мәліметі бойынша, 2015 жылының қорытындысы бойынша мұнайгаз саласында сатып алынған жалпы тауарлар, жұмыстар мен қызметтер 4 трлн теңгені құрады. Осы ретте, жергілікті қамту 58% құрады, бұл 2014 жылдағы көрсеткіштен 4%-ға асты. Жалпы, салалар бойынша жергілікті қамту тауарлар бойынша - 15%, жұмыс – 52%, қызмет көрсету - 76% құрады.